NAGA CITY- Liwat na nagpagirumdom an BFP-Naga sa publiko na magin vigilant orog na sa mga naka-charge na gamit sa harong o saen man na establishmento.
An nasambitan ng pagirumdom an makalihis an nairehistrong kasulo sa may parte kan Matiway, San Felipe, Naga City kun saen pinagtutubudang huli sa napabayaan na naka-charge na bluetooth speaker.
Sigun ki SFO1 Marvin Heinz Nebres, Fire Arson Investigator kan BFP-Naga kinakaipuhan na mag-invest an mga tawo sa mga fire fighting apparatus siring kan Fire extinguisher na magagamit enkaso igwang insidente kan kasulo, importante soboot ini tanganing maagapan na dae na magdakula pa an kalayo.
Dugang pa kan opisyal, dapat aramon man an numero kan pinakaharani na Fire station, magreport sa BFP antes na mag-live tanganing tolos man na makapagresponde.
An mga pagirumdom na ini an nagkapira sana sa mga piglalatag na giya sa lado kan BFP tanganing maproteheran an publiko kontra sa mga kasulo.
Alagad kasabay man kaini an saindang kahagadan sa publiko na makipagtabangan sa sainda asin gibuhon man an saindang parte para sa kasalbaduhan kan gabos.
Sa ngunyan, hagad na sana kan opisyal an kooperasyon kan mga tawo para sa
