Pig turn-over na kan Bureau of Immigration sa Department of Justice an kaso kan puganteng South Korean na si Na Ikhyeon na tumakas sa kustodiya kan Beauru of Investigation huli man sa tabang soboot kan mga empleyado mismo kan ahensya.
Si Na, na wanted sa fraud sa South Korea, an kalaunang naarestar kaiba si Kang Changbeom sa residential area sa Barangay Pampang sa Angeles City, Pampanga.
Pighali man sa pwesto an tulong Immigration employees na nagtabang soboot sa pagtakas ni Na.
Naaatubang an mga ini sa kasong administratibo asin criminal charges.
Sigun ki Immigration deputy spokesperson Melvin Mabulac an nagin depensar kan mga tiwaling empleyado kan Immigration na an Koreano an tumakas sa saindang kustodiya.
Alagad nagconduct sinda nin tracking investigation sa CCTV asin nahiling na talagang dae man nakatakas asin pigtuyo na patakason an mga ini.
Kasabay ninda na naghali gikan sa opisina kan prosecutor na mayo lamang nin sulot na handcuffs an saiyang mga kamot.
Sa ngunyan, padagos pa an saindang imbestigasyon orog na sa mga nagkukuriyat na report na imbwelto soboot an P30 milyong suhol tangani makatakas si Na.
