NAGA CITY- Opisyal ng pigbukasan an Bigas Araw-Araw sa NIA-Region 5 kun saen mababakal an P35 kada kilo kan bagas.
Sa nagin paghampang sa mga kagawad kan media ni Ma. Cleofe Baraero, tagapagtaram kan NIA-Bicol, sinaysay kaini na an nasambitan ng programa an obhetong makatabang sa mga residentes na makabakal nin baratong bagas.
Katakod digde, an mga tawo na nag-avail an nagpaparehistro asin igwang limit na 10 kilos per person tanganing malikayan na maabuso an programa asin tanganing gabos an maakomodar.
Apwera digde para man sa pigpapabakal na bagas na nagkakantedad na P29 per kilo para sa mga vulnerable sectors siring kan PWDs, solo parents, Indigent individuals kaipuhan soboot na magpa-ID tanganinhg igwang patotoo asin maka-avail kan discount.
Matinir an programa hasta igwang suplay na piglalaoman na madurar hasta 2-3 weeks kan bulan nin Disyembre.
Dugang pa kan opisyal mapadara man nin bagas sa probinsiya kan Albay asin Catanduanes tanganing makatabang sa mga naapektaran kan bagyo.
Pigpaliwanag pa ni Baraero na an pigbabakal na bagas an gikan sa Region 2 na bistadao komo top rice producing Region sa paaagi kan farming support services komo tabang sa naapektaran kan bagyo.
Antes pa man kaya an pagtama kan bagyo, nagkaigwa nin pag-urulay an mga Regional Managers kun ano an saindang maitataong tabang sa mga Rehiyon na tatamaan kan bagyo.
Pigtawan duon pa kan opisyal na marhay man an kalidad kan bagas kaya mayo man soboot nagigin problema. Sa ngunyan, pig-imbitaran na sana kaini an gabos na magpasiring sa Pili, CamSur para sa Kadiwa sa Pili na kun saen makakabakal nin baratong bagas para sa gabos.
