Nagresponde an mga opisyal kan wildlife sa Colorado tanganing isalbar an sarong bighorn sheep na napadpad sa sarong nagyeyelong salog asin bahagyang nalubog sa yelo.
Sigun sa Colorado Parks and Wildlife, nakaresebir nin report an saindang mga personahes sa Gunnison na igwang sarong bighorn sheep na naipit sa labot kan yelo sa Taylor River.
Nag-abot sa lugar sinda District Wildlife Managers Codi Prior asin Clayton BonDurant asin nahiling ninda an payo asin mga inutan na bitis kan inahing tupa an nasa ibabaw kan yelo, mantang an likudan na parte kan lawas kaini an nasa tubig.
Isinakay an tupa sa sarong trailer asin dinara sa sarong pasilidad tanganing painiton ini.
Makalihis kaidto, marekas na nagdalagan an bighorn sheep paluwas nin horse trailer asin nasa magayon ng kamugtakan an saiyang salud, sarong dakulang ginhawa para sa bilog na Gunnison area office staff.
