Nagpakol na sa 10 katao an binawian nin buhay huli sa panlalamasa kan bagyong Opong.
Sigun ki Office of Civil Defense (OCD) Officer-in-Charge Bernardo Alejandro, na an nasambitan ng napairehistro na pagkagadan an naikurit sa Bicol Region asin sa Eastern Visayas.
Saindang ibiniberipikang marhay an pitong nagadan sa Region 8 asin siyam na nawawara mantang sa Rehiyon 5 an igwang tulong nagadan asin saro an nawawara. Pigsierto kaini na dagos-dagos an ginigibo nindang monitoring asin pagheheras nin tabang sa mga naapektarang lugar.
Igwa nin 12 milyong indibidwal an naapektaran asin nilalaoman ining malangkaw pa an nasambitan ng numero. Nakapreparar na an saindang mga air assets na iyong matao enkas igwa nin nagkapirang lugar na madipisilang maabot huli sa pagbaha.
Sinaysay kan Philippine Atmospheric, Geophysical and Astronomical Services Administration (PAGASA) na ganap nang nakaluwas nin Philippine Area of Responsibility (PAR) an Bagyong Opong (international name: Bualoi) kan nakalihis na Sabado nin pagkaaga.
Dakong alas-10:00 nin pagkaaga, pigkakarkulong nasa rayong 645 kilometro sa kanluran kan Sangley Point, Cavite City an sentro kan bagyo.
Taglay kaini an kusog kan duros na nagpapakol sa 120 kilometro kada oras harani sa tahaw, asin pagbugsong hasta 150 kilometro kada oras. Padagos ining naghihiro pa-kanluran hilagang-kanluran sa rikas na 35 kilometro kada oras o paparayo sa nasyon.
Bagaman mayo na sa laog kan PAR, inabisuhan pa man an publiko asin mga parasisira na magin mapagmatyag sa posibleng epekto kan duros habagat na pwedeng pakusugon kan bagyo mantang ini an nasa luwas kan nasyon.
Laoman pa man an mga biglaang bulos kan uran, hatod kan mga ulap na nahatak kan nakalihis na bagyo.
