Nakakumpiskar an Bureau of Internal Revenue (BIR), katuwang kan Bureau of Customs (BOC), nin 19 vehicles katakod kan Discaya tax investigation o an inaapod na “Discaya cars.” 15 sa mga behikulo na nakarehistro sa mag-agom na Pacifico F. Discaya II asin Cezarah Rowena Discaya an pigbugtak sa irarom kan constructive distraint.
Apat na mga lunadan an ibinugtak sa irarom nin konstruktibong kua may koneksyon sa tax cases laban sa St. Gerrard Construction General Contractor & Development Corporation.
Ipinaliwanag ni BIR Commissioner Charlito Martin R. Mendoza na an katuyuhan kan aksyon iyo na mapreserbar an mga assets asin masierto an kakayahan kan gobyerno na magkolekta nin buwis mantang nagsusunod sa due process. Pinasalamatan man kaini an BOC sa marahay na koordinasyon asin dokumentasyon sa proseso.
Magigirumduman na kan 2025, nagsangat nin kaso criminal tax an BIR kontra sa mga Discaya na may total na tax liabilities na P7.18 billion. An lakdang na ini parte kan Revenue Collection and Base Protection sa lindong kan BIR DARES tanganing malabanan an tax evasion asin non-payment.
