Emosyonal na naghampang sa mga kagawad kan media si Vice Mayor Tomas Bongalonta Jr., kan Pili, Camarines Sur.
Sigon sa Bise Alkalde, dai ini nilulubayan kan Gobernador kan probinsya na si Governor Lray Villafuerte sa kasong libel asin cyber-libel kabali an nagkapirang mga paraoma kan Barangay Cadlan asin San Agustin na saindang naipanalo na sa korte asin sa Court of Appeals.
Sigun sa Bise Alkalde, panibagong dagok na naman ini sa mga paraoma na mayo na nin mapagkuanan nin hanapbuhay asin ngunyan mabayad pa sinda sa abogado matapos na isangat ini kan Gobernador sa Korte Suprema.
Magigirumduman, kan 2021 kinasuhan nin libel asin cyber-libel si Bongalonta asin an mga paraoma huli sa akusasyon suboot kaini sa pamilya Villafuerte na pangangamkam nin daga alagad binasura kan RTC an kaso. Nagsunad an kampo kan Gobernador nin motion for reconsideration alagad naging denied.
Dinara ini sa Court of Appeals asin sa panduwang pagkakataon, denied man giraray, asin ngunyan liwat na nagsunad nin petisyon an Gobernador sa Korte Suprema.
