Kapwa nag-angat an mga ranggo kan Philippine women’s asin men’s softball teams sa World Baseball Softball Confederation (WBSC) rankings.
Naglangkaw an RP Blue Girls sa No.13 spot basado sa pinakabong WBSC rankings.
An paglangkaw kan estado kan mga Pinay batters gikan sa saindang nahakot na 993 points, kaibahan an 227 points sa taong 2025.
Pighataw kan Blu Girls an saindang ika-11 sunod na gold medal kan nakalihis na 33rd Southeast Asian Games sa Thailand.
Nagkolektar an Nationals nin 45 points para sa saindang pagrereyna sa SEA Games.
Naenot na sindang nagtapos sa fourth place sa Women Softball Asia Cup 2025 sa Xi’an, China na nagtao sa sainda nin mas dakulang 182 points.
Sa nasambitan na torneo napangalas kan tropa an tiket para sa 2026 Asian Games sa Aichi-Nagoya, Japan.
An mga Japanese an nagbandera sa nasambitan na dibisyon sa pigrehistrong 3649 points.
Sa men’s division, naglangkaw man an ranggo kan Blu Boys sa No. 17 gikan sa 290 points.
An mga Pinoy sluggers man an nagkua kan gintong medalya sa 2025 Thailand SEA Games asin nagtitinir No. 4 sa Asia.
An Japan man an nagdodomina sa men’s class sa 2989 points.
