Pigsierto kan Bureau of Customs (BOC) Commissioner Bienvenido Rubio na mananagot an mga opisyal na mapapatunayang sangkot sa pagporbar nin resale kan poco mas o menos na P270-M kantidad kan mga smuggled cigarettes sa Capas, Tarlac.
Sigun sa National Bureau of Investigation (NBI) padagos kaining pig-aaram kun igwang mga nagin posibleng partisipasyon an pirang mga opisyal o personahes kan customs an kaibahan sa insidente na ini.
Para sa imbestigasyon, pigsugo ni Rubio an Customs Intelligence and Investigation Service na magsagibo nin sarong mabusising imbestigasyon kan insidente asin magsumiter tulos kan incident report ki Rubip para sa tulos na aksiyon sa isyu.
Pagsierto man kan BOC, an lakdang na ini an saro sana sa patunay na padagos an saindang pagkontra sa smuggling asin pira pang ilegal na aktibidad na igwang koneksiyon digde.
Mientrastanto, kan nakalihis na taon man nasabat kan BOC an labi P9.3-B kantidad kan mga ilegal na sigarilyo asin electronic cigarette o vape.
