Liwat na pinatunayan kan Bombo Radyo Philippines an kahusayan kaini sa ladangan kan pagbabareta makalihis kaining makua an tolong primerong parangal asin duwang espesyal na pagbisto sa ika-47 Catholic Mass Media Awards (CMMA), komo patunay kan saindang padagos na pagsunod sa tapat, responsale, asin makakomunidad na pamamahayag.
Nangenot sa mga onrang ini iyo an Bombo Network News, na liwat binisto komo Best News Program sa ikaduwang sunod na taon – sarong back-to-back na pagbisto para sa newscast kan network.
Kaibahan sa iba pang mga primerong nanggana iyo an Bombo Special Report, na na nakakua nin parangal komo Best Business News, asin an Pinoy Memories kan Star FM Iloilo, na nagpuli nin karangalang Best Entertainment Program.
An ika-47 Catholic Mass Media Awards ngunyan na taon an igwang natatanging boot sabihon para sa Bombo Radyo Philippines huli man ta ini an nakalaog sa gabos kan siyam na kategorya sa radio division na nagpapatotoo kan matatag na presensiya kan network sa ladangan kan bareta, pampublikong koneksiyon, asin libangan.
Kaibahan sa mga iba pang finalist kan Bombo Radyo an:
- Bombo News and Views Morning Edition (Bombo Radyo Cebu) – Best News Program
- Bombohanay sa Udto (Bombo Radyo Cebu) – Best News Commentary Program
- Bombo Special Report (Bombo Radyo Philippines) at The Seven Last Words (Bombo Radyo Cauayan) – Best Educational Program
- It’s All for You in the Morning (Star FM Bacolod) – Best Entertainment Program
- Good Morning Philippines (Bombo Radyo Iloilo), Bombohanay Ed Ugto (Bombo Radyo Dagupan), asin It’s All for You in the Morning (Star FM Dagupan) – Best News Feature
- Sarming Ti Biag (Bombo Radyo Cauayan) – Best Drama Program
Itinatag kan taong 1978 kan yumaong Arsobispo Jaime Cardinal Sin, an Catholic Mass Media Awards (CMMA) an nagtataong-pugay sa mga indibidwal asin institusyong naggagamit nin midya tanganing ibusol an katotohanan, igalang an dangal kan tao, asin magtaong inspirasyon pasiring sa panlipunang paninimbagan na naaayon sa mga tukdo kan Simbahan.
Pig-aalay kan Bombo Radyo Philippines an mga onrang ini sa mga tapat na tagahinanyog asin tagasubaybay sa Pilipinas asin sa ibang nasyon — na padagos na nagtitiwala asin nagsusuporta sa 32 ganap na digitalized stations tanganing maihatod an mapagkakatiwalaang bareta, makabuluhang serbisyo publiko, asin mga programang nagtataong-inspirasyon asin kusog sa mga komunidad.
Sarong patunay asin inspirasyon ini tanganing lalo pang pamarhayon an samuyang programa asin serbisyo publiko.
Basta Radyo, BOMBO! Star FM — It’s All for You!
