NAGA CITY– All set na an gigibuhong blood letting activity kan Bangko Sentral ng PIlipinas (BSP)-Naga komo parte kan ika-70th Founding Anniversary ngunyan na aldaw.
Sa entrevista kan Bombo Radyo Naga ki Keith Hidalgo, senior specialist kan BSP-Naga, sinaysay kaini na pupunan an aktibidad na igwang titulong ‘Dugong BSP’ atyan na alas 8:00 nin aga hasta udto.
Sigon ki Hidalgo, obheto kan programa na matabangan na maisalbar an buhay kan mga namamanwaang nangangaipo nin dugo.
Apwera digdi, nagka pira pang aktibidad an isasagibo ngunyan na aldaw kasabay kan culminating activities na pinunan na kan mga nakaaging aldaw.
Dugang pa ni Hidalgo, bako sana sa kwarta nakatutok an ahensya alagad magin an pagtabang sa mga nangangaipong namamanwaan asin kapalibutan.
Katakud kaini, pig-imbitaran kaini an publiko na makisumaro sa mga gigibuhong aktibidad kasabay kan selebrasyon kan saindang anibersaryo.
