Igwa nin bastante na suplay kan bagas sa bilog na nasyon hasta man sa masunod na aldaw makalihis dugangan kan National Food Authority (NFA) an saindang buffer stock o imbak kan bagas.
Susog ki Palace Press Officer Claire Castro, igwa nin 10.1 million na sako nin paroy asin man 1.2 million sako nin bagas an NFA na bastante sa laog nin 10 aldaw.
Ini soboot an pinakahalangkaw na imbentaryo magpuon kan taong 2020.
Sinaysay ni Castro, kasimbagan ini kan NFA sa direktiba ni Presidente Ferdinand Marcos Jr. na aktibong nagbakal nin paroy sa mga paraoma.
Basado sa NFA, igwa nin natatada pang ₱12-bilyong pondo an ahensiya na pigtalaan sa pagbakal nin paroy ngunyan na panahon nin anihan.
Pinaglalaomang makikinabang nin husto an mga paraoma digde siringman an publiko huli ta madara ini nin hababang presyo kan bagas sa mga merkado.
