Liwat nagbuga nin mahibog na abo an Bulkang Bulusan sa Sorsogon. Basado sa Philippine Institute of Volcanology and Seismology (Phivolcs), naikurit an phreatic eruption bandang alas-7:43 nin pagkabanggi ngunyan na aldaw nin Martes Abril 29, 2025.
Nakadangog nin makusog na tanog gikan sa bulkan an mga residente digdi kun saen nag-abot pa ini sa Cogon, Irosin.
Huring nagbuga nin abo an bulkan bandang alas-4:36 nin pagkaaga kan Lunes na nagkawsa kan mahebot na abo na igwa nin langkaw na 4,500 metro gikan sa crater.
Sa presente, nasa Alert Level 1 an nasambitan ng Bulkan.
Advertisement
Advertisement
