Narekord an bagong pagbuga nin abo hale sa Bulkang Mayon sa Albay kan nakaaging Martes nin aga, Nobyembre 3.
Segun sa Philippine Institute of Volcanology and Seismology (PHIVOLCS), nagpuon an ash emission bandang alas-8:22 nin aga, kun sain umabot sa 1,600 metro an langkaw kan abo hale sa nguso kan bulkan.
Dinara man kan duros an abo pasiring sa sur-solnopan.
Padagos na minomonitor kan PHIVOLCS an kondisyon kan Mayon, na nagdadanay sa Alert Level 3.
Huli kaini, mahigot na ipinagbabawal an paglaog sa anom na kilometrong Permanent Danger Zone o PDZ sa palibot kan bulkan huli sa posibleng peligro hale sa padagos kaining aktibidad.
Pinag-iingat man an mga residente sa mga lugar na posibleng maapektaran kan pagbuga nin abo asin iba pang huma na konektado sa aktibidad kan bulkan.
