Nagtao ngunyan nin kasiertohan an Civil Aviation Authority of the Philippines (CAAP) na dae na mauutro pa an nangyaring New Year’s Day air traffic na nakaapektar kan mga local asin international flights.
Sigun ki CAAP Spokesperson Eric Apolonio na saindang napakarhay na an mga naapektarang Communicaton, Navigation, Surveillance/ Air Traffic Management kaya nasierto na kaini na dae na ini magkakaigwa nin aberya.
Gabos man soboot kan 42 CAAP- operated airports sa bilog na nasyon an igwa nin standby generators sakaling magkaigwa nin power failure.
Mayo man nagin problema sa mga flight kaining pasko kun saen naglangkaw an gikan 7 hasta 10 percent an numero kan mga pasaherong nagbiyahe.
Marurumduman kan nakalihis na Enero 1 kan taon na ini an kadakol na mga international asin local flights an naantala makalihis na maraot an power generators kan mga palupadan.
