Idineklara kan Provincial Governemnt of Camarines Sur an State of Calamity huli sa naglalangkaw na kaso nin Dengue sa probinsya.
An desisyon na ini ginibo matapos an sarong Dengue Command Conference na ginibo kan Setyembre 28, na nagtutukdo sa pangangaipo nin marikas na aksyon tanganing tugunan an problema.
Segun sa datos sagkod Setyembre 24, nakapagrehistro an Camarines Sur nin 1,233 kumpirmadong kaso asin 18 na nagadan, kun sain an mga munisipalidad kan Bato, Nabua, asin Pili an may pinakadakol na kaso.
Huli kaini, inordenan ni Gobernador Lray Villafuerte an pagpapakusog kan surveillance, pagpreparar kan mga ospital, marikas na referral kan mga pasyente, asin pagwaras kan kaipuhanan na suplay.
Hinimok man an publiko na magkondusir nin “search and destroy” sa mga pinagpupugaran kan namok asin sunudon an 4Ts: Taob, Taktak, Tuyo, asin Takip, tanganing mapugulan an pagdakol kan kaso.
