Padagos an pagpakusog kan probinsya kan kampanya kontra sa iligal na droga makalihis na ideklarar na drug-cleared an pitong (7) dagdag na barangay sa ginibong deliberasyon kan Regional Oversight Committee on Barangay Drug Clearing Program (ROCBDCP) kan Hunyo 24, 2026 sa Sangguniang Panlalawigan Session Hall sa Camarines Sur. Ini an pinangenotan kan Philippine Drug Enforcement Agency Regional Office 5 (PDEA RO5) kaiba an mga partner agencies na responsable sa pagrepaso asin pag-verify kan pagsunod sa standards kan Barangay Drug Clearing Program (BDCP).
An mga bagong ideklarang drug-cleared na barangay iyo an San Antonio Poblacion (Calabanga), Baliuag Nuevo (Minalabac), San Antonio (Ocampo), Panaytayan Nuevo (Ragay), Santa Cruz (San Fernando), Mampirao (San Jose), asin Manangle (Sipocot). Sa kasamtangan, ang Barangay Sta. Justina sa Buhi asin Barangay San Pedro sa ciudad kan Iriga pig-review man an saindang drug-cleared status.
Sa mga naginibohan na ini, uminabot na sa 73.56% an drug-cleared barangay level sa Camarines Sur. Segun sa mga bareta, patotoo ini sa padagos na pagtatarabangan kan mga ahensya nin gobyerno, mga yunit nin gobyerno lokal, mga opisyales kan barangay, asin mga komunidad sa pagtulod na magkaigwa nin mas ligtas asin mas aregladong kapalibutan na libre sa impluwensya kan iligal na droga.
Pig-omaw ni PCOL VIRGILIO O. OLALIA JR., Provincial Director kan Camarines Sur POLICE Provincial Office an sararong espwersos kan mga lokal na gobyerno asin iba pang stakeholders. An naginibohan na ini suboot nagpapahiling kan pagka-epektibo kan whole-of-government approach sa pagresolber kan problema sa droga.
Liwat na pig-afirmar kan CSPPO an padagos na pagsuporta sa mga programa asin inisyatiba na may katuyuhan na mapakusog an seguridad kan publiko, mapauswag an komunidad, asin maisulong an katuyuhan na magin lubos na libre sa droga an Camarines Sur.
