NAGA CITY- Preparado na an Camarines Sur National High School para sa balik eskwela sa maabot na Hunyo 16.
Sa entrevista kan Bombo Radyo Naga ki Jojo Alferez, Principal III kan Camarines Sur National High School, sinaysay kaini na kan nakalihis na duwang semana pa pinuonan an preparasyon sa saindang eskwelahan tanganing magin marhay an dalagan kan balik eskwela.
Sigun pa ki Alferez, naabot kan Camarines Sur National High School an saindang target na enrollees huli ta kadakol man an nagdagsa tanganing magpa-enroll.
Katakod digde, dagos-dagos man an saindang Brigada Eskwela na matatapos ngunyan na aldaw komo preparasyon para sa papaabuton na June 13 kun saen obheto na malikayan na malinig pa an mga estudyante sa saindang pagbwelta sa mga classroom.
Importante soboot na smooth an dalagan kan pagbubukas nin klase tanganing mayong mairehistro na mayor na problema sa Lunes.
Dugang pa kan opisyal igwa man piggigibong preparasyon an mga paratukdo komo parte kan saindang mandato na sabaton an saindang mga estudyante na pano nin manunudang adal.
Sa ngunyan, hagad na sana ni Alferez an kooperasyon kan gabos para sa matuninong asin marhay na pagbabalik eskwela sa masunod na semana.
