NAGA CITY- Tinawan doon kan Provincial Disaster Risk Reduction and Management Office (PDRRMO) na mayong nairehistrong casualty sa probinsya nin Camarines Sur makalihis an panlalamasa kan bagyong Urduja.
Sa entrevista kan Bombo Radyo Naga ki Lizel Macatangay, tagapagtaram kan PDRRMO-Camarines Sur, sinaysay kaini na mayong nairehistrong casualty sa ibong kan nangyaring mga pagbabaha asin landslide sa manlaen laeng lugar sa probinsya.
Dae pa man suboot maikokonsiderar komo casualty sa nasambitang bagyo an babaeng padagos pang hinahanap kan mga otoridad makalihis na maglukso suboo sa tulay sa banwaan nin Libmanan sa tahaw kan panlalamasa kan raot nin panahon.
Mientrastanto, basado sa datos kan PDRRMO-Camarines Sur, nag-abot na sa 11,669 na mga pamilya o 49,500 persona an apektado kan bagyo.
Dugang pa ni Macatangay, nagtao na sinda nin mga relief packs urog na sa mga isolated asin coastal areas basado sa kasuguan ni Governor Migz Villafuerte.
Sa ngonyan, nagpapadagos pa an clearing operation kan incident management team asin nag-aandam naman an mga ini sa posibilidad na paglaog sa Philippine Area of Responsibility (PAR) kan saro na namang raot nin panahon.
