Nakaguno nin manlaen-laeng reaksyon an nagin latest vlog kan aktres na si Candy Pangilinan huli sa soboot reyalidad na naeeksperyensyahan kan mga magurang sa pagpapadakula kan mga aki na igwa nin autism spectrum.
Sa nasambitan ng 10-minute video, dae na napugulan kan komedyanteng mag bulos an mga luha makalihis na ma-trigger asin mag tantrums kan saiyang aki na si Quentin.
Mahihiling na haros nakikimahirak si Candy sa aki na pareho man na naghihibi na mag pundo na nin huli ta grabe na an saiyang kapagalan.
Sigun sa aktres, ini an primerong pagkakataon na nagin totoo sa aki dapit sa pagigin drained asin pagal kaini.
Dae naghaloy na-obserbaran man kan iba na nagtuninong na an aki huli sa pag behave kaini kan mahiling an paghibi ni Candy.
Sa durasyon kan saindang emotional ordeal, pighapot na kaini si Quentin nin manlaen-laeng hapot asin pig isplikar kun gurano kadipisil na magtrabaho para sana makapag provide sa aki.
Marurundumang, haloy nang nagin bukas an komedyante manungod sa pag padakula sa aking neurodivergent na kun saen apwera sa pagigin Ina, nagtindog man soboot ini komo paratukdo sa aki.
