Nangapudan si dating Catholic Bishops Conference of the Philippines (CBCP) Cardinal Pablo Virgilio David sa publiko na magin kalmado sa tahaw kan mga temptasyon kan madaliang mga solusyon sa iskandalo kan multibilyong korapsiyon sa mga proyekto kan gobyerno.
Sa saiyang homilya para sa ikatulong Simbang Gabi, sinaysay kan Cardinal na dapat arugan kan mga mananampalataya an halimbawa ni Joseph, na kusang piniling kuguson an kalooban kan Diyos imbes na maghidali.
Inihayag kan Cardinal na siring ni Joseph, an nasyon an nakabugtak sa madiklom na sitwasyon.
Soboot huli sa pagkadismaya sa sistematikong korapsiyon, na nagin sarong “talamak na kanser” huli sa bilyun-bilyong pighabon gikan sa kabang yaman, na habo pa man soboot na aminon kan mga imbwelto na pulitiko asin kontratista asin sa madiklom na sitwasyon na ini, nakakatuksong magpadalus-dalos kan desisyon.
Katakod kaini, pigtawan duon kan Cardinal na importante ngunyan na panahon na ini an pahingalo, turog asin pagdangog sa “bulong ng anghel.”
Sa pagsimbag soboot sa presenteng sitwasyon, pigtawan duon kan Cardinal na importante an pagkakaigwa nin tapang tangani hampangon an mga bagay na mawot na iwasan kalakip kan pagigin mahinahon.
