Nakatalaan na parangalan an Gymnast sensation na si Carlos Yulo na nag gibo nin historya sa pagkagana nin kaenut-enuting double gold medal kan Pilipinas sa Paris Olympics, pigtawan nin parangal si Yulo komo ‘Athlete of the Year’ kan Philippine Sportswriters Association (SMC-PSA) ngunyan na aldaw.
Ikukundusir an event sa Manila, na kun saen iseselebrar an mga trayumpo kan nasyon sa Olympics asin an iba pang mga nangengenot na atleta kan nakalihis na taong 2024. An pig-oomaw na trayumpo ni Yulo an nagtaong duon sa sentenaryo kan pakisumaro kan Pilipinas sa Olympics.
Kabali man sa PSA Hall of Fame si Hidilyn Diaz, na four-time winner kan ‘Athlete of the Year’ kan nakalihis na taong 2016, 2018, 2021, asin 2022 para sa larangan kan weightlifting. Pigtawan duon pa kan President’s Award an boxer na sinda Nesthy Petecio asin Aira Villegas para sa saindang bronze medals sa Paris Games. Mantang pigbisto man si Philippine Olympic Committee (POC) President Abraham ‘Bambol’ Tolentino komo Executive of the Year, asin an Gymnastics Association of the Philippines an bibistuhon man komo National Sports Association (NSA) of the Year.
Piglaoman an nasa 117 awardees, kabali an iba pang mga natatanging atleta gikan sa manlen-laen na sports an tatawanan nin parangal sa Philippine Sportswriters Association awards.
