Naglangkaw kan bulan kan Nobyembre 2024 an cash remittances sa nasyon gikan sa mga overseas Filipino workers (OFWs).
Basado sa report kan Bangko Sentral ng Pilipinas (BSP), nag-abot sa 3.3 porsyento an paglangkaw sa ibong kan pagluya kan piso kumparar sa dolyar.
Inaapod ining depreciation.
An datos gikan sa BSP nagpapahiling na an mga cash remittances na ipinaagi sa mga bangko naglangkaw nin 3.3 porsyento pasiring sa $2.81 bilyon na dolyar kan Estados Unidos.
Ini naglangkaw gikan sa $2.72 bilyon sa parehong bulan kan 2023. Sa ibong kaini, an kantidad kan mga padara kan Nobyembre iyo an pinakahababa basado pa sa nakalihis na anom na bulan.
Napag araman na nasa $2.58 billion US dollar ini kan bulan nin Mayo.
An bulos nin mga pigpapadara an hali sa United States, Saudi Arabia, Singapore, asin sa United Arab Emirates (UAE).
Mantang may mga naikukurit man gikan sa mga nagkapirang Asian countries
