Makalihis nin haros sarong dekada poon kan manggana sa Miss Universe, padagos na ginagamit ni Catriona Gray an saiyang plataporma para sa karahayan.
An beauty queen-turned-host dai pa sana nahahaloy, naghiras nin entablado kaiba an mga tin-edyer na nagsasairarom nin chemotherapy sa sarong fashion show na parte kan sarong charity gala.
An aktibidad pig-organisar kan sarong Foundation, na nagtitipon nin pondo tanganing tabangan an mga kaakian na may kanser.
Si Gray nag-slay sa runway sa sarong bado na gibo ni Francis Libiran, pig ibahan an 20 young cancer patients na nagsulot man nin mga gibo kan mga local designers siring ni Dennis Lustico, Michael Leyva, asin Ivarluski Aseron.
Maogma man na ihinahayag ni Gray na an aktibidad nakatipon nin P28 milyones, na gagamiton sa pagkumpleto kan bone marrow transplant wing, pagbakal nin inclusion pumps para sa Cancer Institute, asin padagos na medical asin survivorship support para sa Pediatric Hema-Onco Department.
An beauty queen padagos na naggagamit kan saiyang impluwensya tanganing inakaminaron an publiko na suportaran an mga charity na harani sa saiyang puso.
Kan nakaaging taon, ginibo niya an saiyang pinakaenot na Legacy Ball tanganing makatipon nin pondo para sa Young Focus, sarong non-governmental na organisasyon para sa mga underprivileged youth.
Maigot man na nagpapahiling nin kultura kan Pilipinas. Ini man an nagseserbing arts ambassador para sa National Commission for Culture and the Arts sa ikaanom na magkasunod na taon.
