Pigdeklarar ni US President Donald Trump na epektibo na an ceasefore o untok-putukan sa tahaw kan Iran asin Israel ngunyan na aldaw nin Martes, June 24, 2025.
Sa saiyang Truth Social account, pig-enkaminar ni Trump an duwang nasyon na dae pagbalgayon an nag-iiral na ceasefire sa ika-doseng aldaw kan giyera sa tahaw kan magka-ibong na nasyon.
Sa ibong kaini, mayo pa man kumpirmasyon an kampo kan Israel mapadapit sa kasunduan para sa ceasefire na ipinag-orgulyo ni Trump komo pagwawakas kan labanan na naggadan na sa kadakol na indibidwal sa Iran asin duwang dosena sa Israel.
Pirang oras man makalihis an anunsiyo ni Trump mapadapit sa ceasefire, pinahimutikan ini ni Iranian Foreign Minister Ababs Araghchi asin sinaysay na ngunyan mayong kasunduan sa ceasefire o pag-untok kan military operations.
Alagad ipinahiwatig kan Iran Official na mapundo sana sinda sa pag-atake kun gigibuhon man ini kan Israel.
