Labi an pasasalamat ni Filipino celebrity racer Angie Mead King makalihis na makasalbar gikan sa nasusulo kaining sports car.
Sa social media account, pigheras ni Angie an nangyari kan nakalihis na Huwebes, Nobyembre 7, 2024 sa kalabaan kan South Luzon Expressway (SLEX).
Pigsaysay pa kaini na mayo man soboot na maraot na nangyari sa saiya huli ta tulos man ining nakaluwas alagad maski nanghihinayang sa lunadan huli man ta dae na ini mapapakarhay pa.Pinasalamatan man ni Angie an mga followers na tulos na naghapot sa saiyang kamugtakan.
Padagos an pigsasagibong imbestigasyon kan mga otoridad kun ano an kawsa kan nasambitan ng kasulo sa lunadan na sarong Acura NSX sports car.
