Celeste Cortesi, nagtao nin P10-M para sa mga biktima kan linog sa Cebu asin Davao Oriental

Nagtao nin bilog na P10 million an beauty queen asin negosyanteng si Celeste Cortesi para sa mga biktima kan mga nakalihis na pagyugo-yugo sa Cebu asin Davao Oriental.

Susog sa report, enot na nagtao nin P5 million si Celeste kaibahan an partner kaining si Jonathan Sterling sa mga biktima kan magnitude 6.9 na linog sa Cebu kan Setyembre 30 sa paagi kan saindang Asul Hope Foundation, katabang an Angat Buhay Foundation.

Katakod kaini liwat sindang nagtao nin P5 million donasyon para sa mga nasalanta kan magkasunod na linog sa Davao Oriental kan Oktubre 10, sa pakikipagtabangan sa Philippine Red Cross (PRC).

Nagpasalamat man an PRC ki Celeste asin Sterling sa saindang kontribusyon sa rescue asin relief operations sa Davao.