Nagin busy man sa presente an mag agom na sinda Aga Muhlach asin Charlene Gonzalez sa pagpo-promote nin mga project kan kambal nindang sinda Andres asin man Atasha sa social media.
Si Andres pala an may pelikulang Minamahal mantang si Atasha man an bida sa local adaptation kan Thai series na Bad Genius.
Huli man sa active an aktres sa social media, may mga nagpoporbar na man na pekeon an account kan former beauty queen.
Kansuarin sana, naghagad ini nin tabang sa mga netizens tangani patanidan an sarong account na piggagamit an saiyang pangaran asin nagkapirang mga litrato.
Sa saiyang Instagram Stories, ipinahiling kan dati kaini an mga screenshot kan sarong account na an username, ‘Charlene Gonzalez-Muhlach’.
Nakabugtak sa profile photo kan nasambitan ng account an picture mismo ni Charlene.
Dagos man na naghagad tabang si Charlene na mai-report an pekeng account na nagpapamalo-malo komo an aktres asin dae nuarin man soboot na magtubod sa kun ano man an ipopost pa
