Pig-akusaran kan China an Estados Unidos na nagbalgar sa saindang mga kasunduan sa multilateral agreement.
Ini an katakod kan liwat pagpapataw kan Estados Unidos nin 34% na taripa sa kada produkto kan China na magigin epektibo sa Abril 19, 2025 na makawsa nin kabilugang 54% na taripa makalihis an naenot na 20% na ipinataw digdi.
Magkakaigwa man nin 10% baseline tariff sa kadaklang kan mga produkto gikan sa China na mapuon sa Sabado.
Komo kasimbagan, maduon na pigtutulan kan China an lakdang na ini asin pig-apod na sarong klase kan “unilateral bullying,” asin nagpatanid nin mga countermeasures tanganing proteheran an saindang mga interes.
Sa ibong na ladi, pinirmahan man ni Trump an sarong executive order na masarado kan “de minimis” trade loophole na nagtutugot sa mga hababang kantidad kan mga package gikan sa China asin Hong Kong na makalaog sa U.S. nin mayong buwis.
