Nagpatanid an militar kan China kan nakalihis na domingo sa soboot “provocations” kan Pilipinas sa West Philippine Sea (WPS), kasabay kan pagpapatrolya sa rehiyon.
Sigun sa tagapagtaram kan Southern Theater Command ng Chinese military, dapat soboot tulos na untokan kan Pilipinas an mga lakdang kaini na soboot orog na nagpapalala sa tensiyon.
Marurumdumang naglala an tensiyon sa tahaw kan Pilipinas asin China huli sa agawan kan teritoryo sa WPS, na madalas nagreresulta sa banggaan kan mga coast guard vessels asin makukusog na naval exeercises.
Katakod kaini mayo pang kasimbagan an Philippine Maritime Council asin Armed Forces of the Philippines (AFP) dapit sa nagin pahayag kan China, siring an embahada kan Pilipinas sa Beijing.
Mientrastanto, pig-anunsyar man kan U.S. Indo-Pacific Command na nagsagibo nin joint maritime drills an Japan, Pilipinas, asin Estados Unidos sa laog kan Philippine Exclusive Economic Zone puon kan nakalihis na Huwebes hasta Sabado tanganing pakusugon an kooperasyon sa rehiyon asin ibusol an “free and open Indo-Pacific.”
Hurot kan Amerika, padagos nindang pangangatamanan an derechos sa malayang paglalayag asin paggamit kan kadagatan asin himpapawid alinsunod sa international law.
Sa suhay na pahayag kan nakalihis na Biyernes, liwat pighurot ni U.S. Secretary of State Marco Rubio an pagsuporta kan Amerika sa Pilipinas asin tinuligsa an “destabilising plans” kan China katakod kan sarong pinag-iiriwalang isla sa rehiyon.
