Pinaapod kan China an envoy kan Pilipinas katakod sa nagin desisyon kan nasyon sa luwagan an restriction sa mga opisyal kan gobyerno na nagbabiyahe sa Taiwan tanganing i-promote an economic asin trade relations.
Basado sa report gikan sa state-run media, kan nakalihis na Martes kan ipaapod sa Beijing ni Asian Affairs Department of the Foreign Ministry Director-General Liu Jinsong si Philippine Ambassador to China Jaime FlorCruz tanganing ipahayag an seryosong concern katakod sa negatibo soboot na lakdang kan Pilipinas sa isyu sa Taiwan asin sa security areas.
Nakasaysay sa report na nakabase soboot an pagpapaapod sa envoy kan PH sa pinaluwag na travel restrictions sa mga opisyal kan gobyerno kan Pilipinas na nagtutugot sa sainda na magbiyahe sa isla para sa economic asin trade activities gamit an mga ordinaryong pasaporte nin mayong approval gikan sa foreign ministry kan Pilipinas.
Alagad sigun ki Department of Foreign Affairs (DFA) Spokesperson Ma. Teresita Daza na ipapadagoz kan PH asin China an ribayan kan mga prangkang pananaw sa isyu sa Taiwan asin iba pang ulayan.
Namantinir man soboot kan Pilipinas asin China an bukas na linya kan komunikasyon sa paagi kan regular diplomatic channels asin pasahos man an saindang ribayan kan mga prangkang pananaw.
