Aram baya nindo mga ka-Bombo, nakaguno nin kadakol na kritisimo an pagribay kan sarong tunay na whale shark nin sarong life-size na robotic na bersiyon na nagpapareho sa hitsura asin paghiro kan marine animal.
Kan nakalihis na Oktubre 1, liwat na pigbukasan kan Xiaomeisha Sea World sa Shenzhen, China, an mga gate kaini sa mga bisita makalihis kan limang taong pagpahingalo huli sa pagpaparjay na pigkudusir.
An 60,000-square-meter marine park nagibong makaakit nin poco mas o menos 100,000 nagbabayad na mga bisita sa enot na semana kaini, alagad an trayumpo sa kwarta natahuban kan kontrobersiya sa palibot kan saro sa mga atraksiyon, sarong robotic whale shark.
Sigun sa nagkapirang Chinese news source, kadakol na bisita an dismayado kan nahiling an whale shark na naglalangoy sa dakulang aquarium sa saindang palibot na gibo kan tawo, asin bakong totoo.
Apwera digde, ikina-anggot pa kan nagkapira na dae naglapigot an Xiaomeisha Sea World na ipaaram sa sainda na ini bakong tunay na pating
