NAGA CITY- Nagpapadagos an paglilinig kan magkakanigong opisina sa siyudad nin Naga sa Naga River.
Sa nagin paghampang sa mga kagawad kan media ni Engr. Alexander Caning, pamayo kan Naga City Engineers Office, sinaysay kaini na sa presente nagpapadagos an saindang paglinig sa iba pang parte kan salog orog na an paghahali kan mga natatadang debri gikan digde.
Sigun sa opisyal, igwa pang nagkapirang mga pungo kan kawayan alagad minimal na sana man asin managable na sa presente.
Dugang pa kan opisyal, igwang namamayo sa nasambitan ng clearing operations an Naga River Management Unit na yaon sa may parte kan Barangay hall kan Dinaga, Naga City under City Enro.
Sa ibong na lado, nagpapadagos man an declogging kan City Drainages kun saen naghahagad soboot sinda nin tabang gikan sa mga barangay officials nin huli ta sinda man an nakakasakop digde.
Sa ngunyan, maski pa malinig na an Naga River padagos pa man giraray an saindang paglalapigot tanganing mamantinir an kaayusan sa nasambitan ng salog.
