Dai na aakuon kan Commission on Elections (COMELEC) an barangay certificate of residency asin cedula bilang patunay kan pagkakakilanlan kan mga magpapalista bilang botante.
Ipinaliwanag ni COMELEC Chairman George Erwin Garcia na nadiskubre kan komisyon na igwa nin mga indibidwal na naggagamit kan nasabing dokumento dawa bakong tunay na residente kan barangay na saindang inaplikaran.
Sinabi ni Garcia na iniimbestigaran na ninda an nagkapirang kaso kan sinasabing salang paggamit kan mga nasabing dokumento.
Imbes, pinagswestyon kan COMELEC sa mga aplikante na gumamit nin iba pang valid identification cards arog kan passport, NBI clearance, police clearance, National ID, postal ID asin driver’s license.
Kinakaipuhan na igwa nin nakalaag na pangaran, retrato asin address kan aplikante.
Liwat na magbubukas an voter registration sa Nobyembre 10 bilang pagpreparar sa 2028 National and Local Elections.
Kaiba kaini, ilulunsar liwat kan COMELEC an Special Registration Anywhere and Anytime Program o RAP tanganing maparani an pagparehistro sa mga Pilipinong mayong igong oras huli sa trabaho.
Sa irarom kaini, magkakaigwa nin registration services sa mga piniling lugar arog kan paliparan, ospital asin data centers.
