NAGA CITY- Nagpapadagos an preparasyon na ginigibo kan Comelec-Nabua katakod kan nararaning 2025 midterm elections.
Sa entrevista kan Bombo Radyo Naga ki Atty. Juliebeth M. Dagatan-Salvadora, Election Officer IV kan Comelec-Nabua, CamSur, sinaysay kaini na sa presente, dae pa natatapos an training sa mga electoral boards na kun saen madurar ini hasta sa Abril 2, 2025.
Apwera digde, puspusan man an preparasyon kan saindang opisina sa pagpuon kan Campaign period para sa lokal na posisyon sa aga, Marso 28, 2025.
kaini, makundusir naman nin Nationwide Oplan Baklas para sa mga campaign materials na nakabugtak sa mga dae otorisadong lugar.
Pigtawan duon ni Salvadora na nagpadara na sinda nin notice sa mga kandidato antes an nasambitan ng Oplan Baklas tanganing kusa na kan mga ining halion an mga campaign posters na mayo sa designated areas.
Alagad kun dae kusang hahalion kan mga kandidato an saindang mga posters, babaklason ini kan saindang mga personahe katabang an iba pang mga ahensiya kan gobierno.
Mientrastanto, mayo pa man narereseber an Comelec-Nabua nin mga reklamo dapit sa vote buying o vote selling asin nagtitinir na nasa green category an saindang banwaan.
Sa ngunyan, hagad na sana kan opisyal na magin matutinong an ikukundusir na eleksyon sa papaabuton na Mayo 12, 2025.
