NAGA CITY- Liwat na nagpagirumdom an Commission on Elections Naga sa mga residentes sa siyudad nin Naga na mag-avail sa pagbubukas kan voter’s registration para sa Barangay asin Sangguniang Kabataan Elections (BSKE) 2025 paglaog kan bulan nin Agosto.
Sigun sa Comelec-Naga, bukas an saindang opisina sa City Hall Compound puon Agosto 1 hasta Agosto 10, 2025. Bukas ini puon alas 8 nin aga hasta alas 5 nin hapon, Lunes hasta Domingo (magin sa holidays).
Katakod digde, dapat na ipreparar an mga kinakaipuhan na mga requirements tanganing makapagparehistro siring kan at least saro na government issued ID.
Tandaan man an mga minasunod na klase kan aplikasyon an sulamenteng aakuon kan Comelec: Registration, Change of Name and Status, Correction of Entries, Reactivation of Registration Records, Inclusion of Registration Records and Reinstatement of Name in the List of Voters, Updating of Records of PWD, Senior Citizen, and members of IP and ICC, Transfer from Overseas to Local Only.
Para man sa Online Filing siring kan Reactivation, Reactivation with Change/Correction asin Reactivation with Updating of Records. Mienrastanto, pinapagirumdom man na mayo an Transfer of Local Voting Address sa gigibuhong Voter’s Registration.
Sa ngunyan, hagad na sana kan Commission on Elections Naga an pakikisumaro kan publiko para sa ikakatrayumpo kan nasambitan ng voter’s registration
