NAGA CITY- Nagdestrebwer an Department of Agriculture Bicol ngunyan na semana nin mapakol sa P11.8 million na composting facility technology packages para sa biodegradable waste sa mga paraoma sa Camarines Sur.
Sigun ki Lovella Guarin, tagapagtaram kan DA-5, an inisyatiba na ini an nagpo-promoter nin organic farming asin nagpapamarhay sa ani ka mga paraoma.
Dugang pa kan opisyal, an obheto kan programa na ini an mapapusog an kapasidad kan cooperatives asin research institutions sa produksyon kan organic fertilizer mantang pigbabawasan an mga a-ti sa omahan.
Katakod digde, nagpasalamat man an sarong opisyal kan kooperatiba na natawan kan nasambitan ng ekipahe sa gobierno para sa suporta sa sektor kan paraoma asin sinaysay na dakulang katabangan ini sa saindang lado.
Dakulang tabang soboot ini sa pagbusol kan organic farming orog na ngunyan na kaipuhan an mga interbensyon sa problema sa agrikultura.
Mientrastanto, nagpakol man sa nasa 15 na grupo kan mga paraoma an nabenipisyaran kan nasambitan ng programa.
Sa ngunyan, antes an pagdestrebwer nagsairaom man sa training asin demonstrations an mga grupo kan paraoma tanganing masierto an epektibo asin produktibo na operasyon.
