Posibleng magpasiring sa Thailand an mga kongresistang namamayo sa House Quad Committee tanganing makaulay an nagpabistong Chinese spy na si She Zhijang.
Sigun ki Quad Committee Overall Chairman asin Surigao del Norte 2nd district Rep. Robert Ace Barbers, an nasambitan na lakdang an sainda suboot pag-uulayan.
Pigsaysay pa ni Barbers, na obheto kan saindang plano na mabusisi an pigbuyagyag ni She na kapareho suboot kaini na espiya man kan China si dating Bamban Mayor Alice Guo na inaapod kaini na Guo Hua Ping.
Alagad, pig-banggit ni Barbers na mayo suboot kasiguruhan na tutugutan sinda kan Thai authorities na makahampang asin makaulay si She.
Katakod kaini, pig-inkaminar ni Barbers an mga kaukulang ahensya siring kan Philippine National Police (PNP), Department of Justice (DOJ) o kaya man an mga opisyal kan embahada na makipag-ulay sa saindang counterparts sa Thailand tanganing makuahan nin testimonya si She na makakatabang sa imbestigasyon ki Guo.
