Piglalaoman an marikas na pagdedesisyon ni Presidente Ferdinand Marcos Jr. katakod sa mga isinumiteng courtesy resignations kan mga miyembro kan saiyang Gabinete.
Sigun ki Presidential Communications Office Undersecretary asin man Palace Press Officer Claire Castro, sa sarong entrevista, dae man matukoy an eksaktong timeline, pigsierto kaini na soboot orog na marikas ang pagluwas kan nasambitan ng desisyon.
Paliwanag ni Castro, an Presidente ay nagbabase sa performance kan mga Cabinet members pati na man sa kawaran nin isyu kan korapsyon tangani mamantinir sinda sa posisyon.
Habo soboot kan Presidente na magin haloy an trabaho kan administration. Orog na an igwa nin mga issues kan korapsyon.
Kansuarin sana ay nangapudan si Presidente Marcos para sa courtesy resignations gikan sa mga Cabinet secretaries komo parte kan obheto kaining i-recalibrate an administrasyon pagkatapos kan midterm elections.
Obheto kaya kan kahagadan na ini iyo an matawan kan Presidente nin pagkakataong surion an performance kan kada departamento asin aramon kun sisay an mapadagos sa serbisyo, na nakaayon sa mga bagong prayoridad kan administrasyon.
