Kahagadan kan Department of Agriculture (DA) sa mga lehislador na ribayan an depenisyon kan profiteering na nakabugtak sa ley.
Pigsaysay ni DA Undersecretary Asis Perez, na obheto kaini iyo an matawan sinda nin kapangyarihan na madakop an mga mapagsamantalang wholesalers asin retailers kan mga commodities.
Sa ngunyan kaya, haros nakabugkos an saindang mga kamot sa pagsimbag kan mga nangyayaring profiteering sa merkado kaya napipiritan sinda na mag gibo nin paagi tangani maresolbaran an problema.
Nagkapira sa mga inihalimbawa ninda iyo an enkaso pinatungan na nin mga negosyante nin 10 percent an presyo kan produkto na ini an lagpas sa nakabugtak sa Republic Act 7581 o Price Act.
Sa irarom kaya kan Price Act na an profiteering iyo an pagpapabakal nin anuman na produkto sa mas halangkaw na kantidad kaini.
