Pigsierto kan Department of Agriculture (DA ) na mayong kakulangan nin bagas.
Kasunod ini sa nagin reklamo kan nagkapirang residente kan Bocaue, Bulacan na nadidipisilan sindang makabakal nin bagas.
Basado sa reklamo kan nagkapirang mga negosyante, nasasakitan soboot sindang makakua nin mga suplay na bagas na iyong pigpapabakal kun saen mapakol pa sa hasta magdamlag an nagin pagpila.
Pigsaysay ni DA spokesperson Arnel de Mesa, na kakaabot pa sana sa nasyon kan suplay kan nasambitan ng imported rice huli ta natapos na kan katapusan nin 2025 an ban kan imported na bagas.
Dugang pa kaini, kan nakalihis na Enero 22, igwang 48,000 na metric tons kan imported na bagas an nag-abot sa Pilipinas.
Apwera digde, dagos-dagos an pag-abot kan bagas sa nasyon huli ta tinugutan kan kadakol na pantalan na pwedeng bagsakan kan nasambitan ng bagas.
