Nagbulos an pakikidumamay kan mga amigo, kaibahan sa gobyerno asin mga kaparientes sa pagkagadan ni Agriculture undersecretary for livestock Deogracias Victor Savellano.
Binawian nin buhay an dating kongresista sa edad na 64.
Kadakol an nagsaysay na nabigla ini sa pangyayari, orog na marhay man an tindog kan opisyal kan mga nakalihis na bulan.
Si Usec. Savellano an agom kan aktres na si Dina Bonnevie.
Kan nakalihis na taong-2019, nagin deputy speaker ini sa Kamara de Representantes.
Mantang kan nakalihis na taong-2023 sana an hinampang kaini an kadakol na huma kan magin undersecretary for livestock, orog na kasagsagan ini kan pagdakol nin kaso kan African Swine Fever na saindang pigsimbagan.
