Aram baya nindo mga ka-Bombo, nadiskubre sa sarong rainforest sa Australia kansuarin sana an sarong insekto na pigkokonsiderar na pinakadakula asin man pinakamagabat na insekto sa nasambitan ng nasyon na labi sa sarong ruler an laba.
Sinabing mahihiling sa mga kahoy asin pananom an nasambitn ng insekto na manipis an lawas, asin may kulay na berde o brown. Inaapod ining Walking Stick o Stick Insect.
Depende sa klase kan species, pwede ining maglaba nin saro hasta sa 12 inches o pulgada. Alagad an nadiskubre sa sarong liblib na rainforest sa Australia kansuarin sana an nag abot nin haros 16 inches an laba asin may gabat na 44 grams. Huli man digde, ini na an may kapot kan record sa Australia na pinakamagabat na insekto sa saindang nasyon.
Pinagtutubudan kan mga eksperto na evolutionary response an labi na pagdakula kan nasambitan ng insekto huli na man sa malipot na klima sa lugar tangani mabuhay ini.
Mientrastanto, mahihiling man sa sarong isla sa New Zealand an may kapot kan world record komo pinakamagabat na insekto na sarong bados na Giant Weta o Deinacrida heteracantha, na mistulang tipaklong o kuliglig, na may gabat man na 71 grams
