ARAM baya nindo mga ka-Bombo, huli sa paglalapigot asin determinasyon na abuton an pangaturogan sa buhay, nakapagtapos nin abogasya asin valedictorian pa an sarong 26-anyos na lalaki na dating kargador asin nagtitinda nin sorbetes.
Pigsaysay kaini na gikan sa 12 magturugang si Jorenz Obiedo, na construction worker an ama, asin housewife an ina.
Nagigirumdoman pa ni Jorenz an panahon na igwa nin aldaw na mayo soboot sindang panggastos kaya mayo na man ining pambalon. Maski pag-puli, mayo ini makakan.
Alagad maski nag-untok sa pag-aadal an saiyang mga tugang, pinirit ni Jorenz na magpadagos, Mantang nag-aadal, padagos na nagtrabaho si Jorenz hasta sa makaabot ini sa kolehiyo.
Kan makalog ini sa law school, nagtrabaho ini komo stenographer. Nagtapos nin abogasya si Jorenz gikan sa sarong University sa Caloocan City na valedictorian sa saindang grupo.
