Piglalaoman na kan National Food Authority (NFA) an paglangkaw kan presyo kan paroy huli sa aasahan na pagtama kan severe El Niño sa nasyon.
Segun ki NFA administrator Larry Lacson, posibleng umabot sa P30 kada kilo hale sa P27 an buying price kan malinig asin alang na paroy sa nasyon kun magtama na an El Niño.
Ipinaliwanag man niya na posibleng maglangkaw ini huli sa kadikit sana kan suplay.
Huli kaini, mag-aaragawan nin stocks an mga millers.
Advertisement
Dugang pa niya, igwa sana nin sagkod P30 kada kilo an saindang inaaprubahan.
Kaipuhan ninda na makipagkumpetensya sa presyo para magkaigwa sinda nin supisyenteng suplay nin paroy.
Naglalaom man siya na dai masyadong magkaigwa nin negatibong epekto an nasabing El Niño sa nasyon.
Advertisement
