Ipinahayag ni Vice President Sara Duterte na nakadepende pa kun maatubang siya sa impeachment trial matapos sambiton kan House Prosecution an posibilidad na iatubang siya bilang testigo.
Segun ki Duterte, mayo pa siyang nareresibeng ano man na pagpapatawag hale sa Senate impeachment court.
Ipigtawan-duon kan Bise Presidente na an impeachment sarong legal na proseso asin an pag-atubang kan saiyang mga abogado sa Senado an ibinibilang niyang saiyang appearance asin participation sa nasabing proseso.
Mantang, inihahanda kan kampo ni Vice President Sara Duterte an depensa kun sakaling iatubang bilang hostile witness si Davao City Mayor Sebastian “Baste” Duterte sa impeachment trial kan saiyang tugang.
Segun ki defense lawyer Justin Gular, nareresibe na ninda an kopya kan subpoena para ki Baste, alagad dai pa ninda ipinupublikar an saindang magigin paghahanda sagkod na dai pa ninda nahihiling an magigin testimonya kaini asin an mga dokumentong pwedeng iatubang kaini.
Kan Martes, personal na nagduman sa Davao City an duwang tauhan kan Senate Office of the Sergeant-at-Arms tanganing ideliber an subpoena.
Inaatasan si Baste na mag-atubang sa Senate impeachment court poon Setyembre 28 sagkod 30, alas-10 nin aga, bilang witness kan house prosecution.
Nakasaad sa subpoena na kaipuhan niyang magtao nin testimonya manungod sa saiyang kaaraman sa kasong impeachment laban ki VP Sara Duterte.
