Nagdugang nin panibagong guard an defending champion na Boston Celtics sa paagi ni Lonnie Walker IV.
An 25-anyos na si Walker an nagpirma nin sarong taong kontrata sa Boston.
Dati na ining nagkawat sa San Antonio Spurs, Los Angeles Lakers asin Brooklyn Nets sa laog nin apat na season kaini sa NBA. Sa enot na apat na season kaini sa Spurs, nagibo kaining maglaog nin 9.4 points per game, 2.4 rebounds, asin 1.6 assists.
Naglipat ini sa Lakers sa ikalimang season asin nagibo kaining magkamada nin 11.7 points per game.
Sa presente an mayo pang opisyal na pahayag an Boston dapit sa pagkua ki Walker alagad pirang mga NBA analysts an positibo sa magigin impact ni Walker sa defending champion, kaiba an mga championship core na sinda Jayson Tatum, Jaylen Brown, Kristaps Porziņģis, Jrue Holiday asin Derrick White.
Si Walker an na-draft kan 2018 komo Number 18 sa Round 1. Huri ining nagkawat sa Brooklyn Nets kan 2023.
