NAGA CITY- Pigpaliwanag kan DepEd Bicol an dapit sa pag-implementar kan Project 6B.
Sa entrevista kan Bombo Radyo Naga ki Maria Cristina Baroso, Project 6B Coordinator, OIC Education Support Services Division, DepEd Bicol, sinaysay kaini na an Project 6B o Bawat Batang Bicolano Bihasang Bumasa at Bumilang an pioneer project ni Regional Director Gilbert Sadsad na pig-implementar kan Bicol Region kan nakalihis na Enero 2024.
Sigun ki Baroso, an preparasyon kan nasambitan ng programa an ginibo kan nakalihis pa na 2023 kun saen pig-feature digde an mga volunteer teacher program o mga teacher applicants.
Dugang pa kan opisyal, pigtatap man kan saindang lado an mga Education Institutions sa bilog na Rehiyong Bikol tanganing ma-mobilize an saindang mga 2nd asin 4th year student.
Sa irarom kan proyekto, pigtatangro an libreng tutorial services sa laog o luwas man kan eskwelahan na obhetong pamarhayon an literacy asin numeracy kan mga learners sa Bicol Region orog na ta nagluwas sa ibang mga pag-aadal na hababa an kalidad kan edukasyon in terms sa reading asin Match siringman Science.
Obheto pa kaini na maobserbaran kun pira an numero kan mga estudyante sa laog kan classroom asin aramon pa an ibang mga factors na nakaka-impluwensiya sa kapreparaduhan kan mga learners sa saindang pagpasiring sa eskwelahan asin ano pa si mga factors na nakaka-impluwensiya kun tano hababa an performance kan mga kaakian.
