Pigre-review kan Department of Education (DepEd) an tinatayang Php 938,000 na overpayment sa irarom kan Senior High School Voucher Program, matapos madiskubre kan Commission on Audit (COA) an 58 benepisyaryo na dai ma-verify an eligibility.
Kaiba sa mga na-flag an mga learner na nag-drop out, naglipat nin eskwelahan, o nagadan na.
Segun sa DepEd, ginibo na kan Private Education Assistance Committee (PEAC) an year-end validation para sa School Year 2025-2026 bilang parte kan limang antas nin pagsusuri sa mga benepisyaryo.
Kun makumpirma an mga overpayment, sinabi kan ahensya na sisingilon asin babawion an pondo na nailuwas kan gobyerno.
Mas pinakusog man daa an validation, billing, refund asin accountability measures.
Padagos man an monitoring kan Government Assistance and Subsidies Service o GASS sa mga pribadong eskwelahan na kaiba sa programa.
Mientrastanto, sinabi kan departamento na igwa na man ining naenot na isinampang kaso manungod sa iregularidad sa voucher program.
