Pigpuonan na kan Commission on Elections (Comelec) an deployment kan enot na batch kan 7.5 milyong official printed ballots na gagamiton sa National Captal Region (NCR) para sa 2025 elections.
Sigun ki Comelec Chairman George Garcia, pigdeliver an balota kan nakalihis na Martes sa Office of the Treasurer kan Caloocan, Marikina, Valenzuela, Pasig, Quezon City, Muntinlupa, Taguig, Manila, Makati, Malabon, Navotas asin man San Juan.
Kokolektaron an mga balota kan mga miyembro kan election registration board (ERB).
Iniimbitaran man kan Comelec an mga political party, kandidato, interesadong grupo, citizens arm, na mapadara nin kinatawan sa opisina kan local treasurer tangani mahiling kun saen ini ilalaag.
Mientrastanto, nakumpleto na kan Comelec an pag-imprenta kan official ballots para sa May 12 national asin local election.
An distribusyon kan official ballots asin man iba pang election paraphernalia an pinuonan kan Abril 21,2025.
Sigun ki Garcia, mayong untoward incidents sa pagheheras nin balota, automated counting machnes (ACMs) asin iba pang election paraphernalia.
Sinaysay man ni Garcia na ‘on track’ an Comelec sa preparasyon para eleksyon sa Lunes.
